كتب – صابر محجوب:
يستغيث مزارعين قرية منيل شيحة بأبو النمرس بمحافظة الجيزة بالسيد /رئيس مجلس الوزراء ، السيد / وزير الري والسيد /محافظ الجيزة .
حيث قام رئيس مجلس ومدينة أبو النمرس ونائبه بالقيام بإلقاء القمامة بطريق صليبة شبرامنت مما أغلق الطريق وأعاق حركة مرور المزارعين بمواشيهم .
وفي هذا الصدد قال : محمود شعبان اسماعيل أحد المزارعين لجريدة بوابة مباشر 24 ” أن نائب رئيس مجلس المدينة الأستاذ/ حمادة هو من أمر بإلقاء القمامة بطريق صليبة شبرامنت وتسبب في غلق الطريق بالقمامة مما أعاق مرور المزارعين بمواشيهم وعربات الكارو وماكينات الرى.”
فيما قال : فتحي حامد أبو عليان من المزارعين “أن هذا المكان غير مخصص للقمامة وأن المكان ده تابع للري والقمامة زي ما حضرتك شايف بتردم مصرف الحوامدية وكمان بتسقط في ترعة المنصورية وبتردم الترعة اللى الري بيطهرها بالكراكات كل شوية وبتكلف الدولة فلوس بسبب التطهير كل شوية”
وهنا تدخل مدحت أبو عطية” أن بسبب القمامة تتجمع الكلاب الضالة وبتبوظ الزرع بس عيدان الذرة مكسرة ووقعه على الأرض ولا الخضرة اللى إتبهدلت والزرع اللي باظ بسبب الدخان اللى بسبب حرق القمامة”
وأكمل رزق جمعة “أنه علشان يسقي الزرع بيزيل القمامة اللى واقعة في مصرف الحوامدية قرابة الساعة علشان أعرف أظبط مكان لماكينة الري علشان أعرف أسقي الزرع وكل شوية أنزل المصرف اللى كله مياه صرف صحي اللى عربات الكسح بترمي فيه الصرف علشان أسلك المياه أمام ماكينة الري.”
واختتم بدوي عبد الرسول تاجر خضار “أنه مش عارف يمشي بالعربية علشان يروح السوق بالخضار بسبب القمامة اللى غلقة الطريق وكل ما نعمل ممر للعربيات الخضار تعدي تجي عربية تبع المجلس المحلي تفرغ حمولتها.”
وأخيرًا بسأل الجميع أين الري من ذلك وأين مسئولي المصارف لماذا تاركين المصارف والترع للردم والاعتداءات على حرمها وطرقها؟!
